SB NAGKILALA SERVICIO 12 KA PUNONG BARANGAY

Ang Sangguniang Bayan nagkilala sang dalayawon nga servicio sang 12 ka mga Punong Barangay nga nakapangalagad sang tatlo ka sunod-sunod nga termino.

Ang mga Punong Barangay nga manogtapos na ang ila termino ginapangunahan ni Rafaela C. Jiloca, ang Punong Barangay sang Talanghauan kag  amo man ang Presidente sang Liga ng mga Barangay sa Cabatuan.

Ang iban nga ginkilala ang ila servicio amo sanday Punong Barangay Pedro Asencio sang Amurao, Nestor Clementir sang Bacan, Eduardo Gedalanga sang Pamuringao Garrido, Susana Tiron sang Pagotpot, Ma. Lida S. Libiano sang Salacay, Ramonito Caspe sang Balabag, Deciderio Tejereso sang Anuang, Danilo Daquiado sang Janipaan Olo, Eduardo Artazona sang Zone X, Marie Joy Lujan sang Zone V.

Upod sa mga nasambit nga Barangay ginkilala man sang Sangguniang Bayan ang servicio ni Joan M. Guidoriagao, ang Presidente sang Municipal Federation sang Sangguniang Kabataan.

Tagsa ka 12 ka mga Punong Barangay kag ang Presidente sang MFSK ginhatagan sang Certificate of Appreciation nga nagapabutyag sang pagpasalamat kag pagtamud sa dalayawon nga mga servicio nga ginhatag sa Cabatuan sa sulod sang tatlo ka sunod-sunod nga termino sang pagpangalagad. Ang mga Certificate of Appreciation ginhatag sadtong Septiembre 2, 2010 sa programa sang pagsaulog sang Liga ng mga Barangay Day.