Ang Committee on Transportation and Communications naghiwat sing sunod-sunod nga public hearing sa nagkalain-lain nga barangay sa banwa angut sa tinutuyo sang Sangguniang Bayan nga magpasar sang Comprehensive Traffic Code.

Nagatuyo ang public hearing nga kuhaon ang balatyagon kag pulso sang mga pumuluyo, upod ang mga asosasyon sang mga driver kag operator sang tricycle, tuhoy sa tinutuyo nga pasulhayon ang trapiko sa banwa.

Ang schedule sang public hearing amo ang masunod:

Ø January 17, 2011 – Barangay Tigbauan Road

Ø January 21, 2011 – Barangay Amerang

Ø January 24, 2011 – Barangay Maaraguit

Ø January 29, 2011 – Barangay Banguit

Ø February 5, 2011 – Multi-purpose Hall

Ang mga pumuluyo gin-agda sa pagtambong sa nasambit nga public hearing agud mapaabot sa Sangguniang Bayan, paagi sa Committee on Transportation and Communication, ang mga problema tuhoy sa trapiko.

Ang Committee on Transportation and Communications ginapangunahan ni Hon. Eduardo S. Tuares bilang Chairman kag Hon. Salvador C. Amoroso bilang Vice Chairman.  Ang duha ka myembro sang komite amo sanday Hon. Rizaldy J. Nolasco kag Hon. Celso D. Cuello.