Ang Sangguniang Bayan nakapasar sang duha ka mga ordinansa:  Municipal Ordinance No. 2011-001 – an ordinance fixing the opening and closing time of the gates in the Cabatuan Public Market, kag Municipal Ordinance No. 2011-002 – an ordinance creating the Cabatuan Economic Enterprise and Development Office, providing funds therefor and for other purposes.

Ang Municipal Ordinance No. 2011-001 may tinutuyo nga maprotektahan ang mga gamit sang gobyerno sa merkado publiko, ilabi na gid ang mga gamit kag baligya sang mga market vendors. Ang pagpasar sini nga ordinansa gin-sponsoran sang Committee on Laws, Rules and Regulations.  Ang mga katapu sining komite amo sanday Hon. Rizaldy J. Nolasco – chairman, Hon. Salvador C. Amoroso – vice chairman kag sanday Hon. Victor S. Maroma kag Hon. Celso D. Cuello bilang mga myembro.

Sa pihak nga bahin, ang Municipal Ordinance No. 2011-002 napasar sa pagpanguna sang chairman sang Committee on Market and Slaughterhouse, Hon. Salvador C. Amoroso.  Sa deliberasyon sa pagpasar sang sini nga ordinansa, si Hon. Amoroso nagpabutyag nga tinutoyo sang gobyerno local nga matipon sa isa ka opisinahan ang mga pasilidad sang gobyerno lokal agud matutukan ang operasyon sini kag ma-maximize ang performance sang amo nga mga pasilidad.