Ang banwa sang Cabatuan magasaulog sang ika-120 nga pagsukat sang pagkabun-ag sang iya baganihan lokal, si anhing Tomas Confesor sa Marso 2, 2011.

Ang isa ka adlaw nga kahiwatan pagabuksan sang Santos nga Misa nga igahalad sa takna nga alas 5:30 sa aga sa simbahan sang parokya. Ini pagasundan sang paghalad sang mga bulak sa monumento ni Tomas Confesor sa plaza sang Cabatuan. Pagkatapos sini, isa ka programa ang pagahiwaton sa birth marker ni Tomas Confesor sa Maraguit Elementary School. Ang mga pangulo sang mga nagkalain-lain nga ahensya sang gobyerno kag pribado nga sektor ang magahalad sang bulak sa birth marker sang baganihan.

Isa ka parada ang pagahiwaton sa takna nga ala 1:00 sa hapon. Ini pagapasakupan sang mga buluthuan, mga ahensya sang gobyerno, kag pribado nga sektor sa Cabatuan. Pagkatapos sang parada, may programa nga pagahiwaton sa Cabatuan Cultural and Sports Center sa plaza sang banwa. Ang pinasidunggan nga dinapit amo si Gobernador Arthur Defensor, Sr.

Sa nasambit nga programa, pagapadunggan ang Ten Outstanding Elementary School Pupils, ang Ten Outstanding Secondary School Students, kag ang Ten Outstanding School Teachers sang Cabatuan para sa school year 2010-2011.

Si Tomas Confesor nangin Gobernador sang Iloilo. Sadtong panahon sang mga Hapones siya nagtukod sang hublag batuk sa mga Hapones. Sing may kaisog, siya nagbaton sang responsibilidad nga magpangulo sang Revolutionary Government batuk sa mga Hapones, nga nabase sa bukid sang Bukari sa banwa sang Leon, Iloilo. Sa pihak sang pagganyat ni Fermin Caram Sr. ang Puppet Governor sang Iloilo sadto nga tinion, si Confesor wala gid nagsurrender sa mga Hapones. Si Confesor nagpamat-ud, “Pasulabihon ko nga mapatay nga may dungog nga mabuhi sa kahuy-anan.”

Si Tomas Confesor nangin Senador sang Pilipinas. Bilang Senador, siya gintawag nga “Stormy Petrel of Philippine Congress”. Siya wala mahadluk magpakigbato bisan kay sin-o nga senador ukon bisan pa ang Presidente sang Plipinas kon ang iya nga pagpati kag panindugan para sa kaayuhan sang mga Pilipino.

Bilang Senador, si Tomas Confesor amo ang author sang Cooperative Law sang Pilipinas kag sang kasuguan nga nagtukod sang Boy Scouts of the Philippines.Ang banwa sang Cabatuan magasaulog sang ika-120 nga pagsukat sang pagkabun-ag sang iya baganihan lokal, si anhing Tomas Confesor sa Marso 2, 2011.

Ang isa ka adlaw nga kahiwatan pagabuksan sang Santos nga Misa nga igahalad sa takna nga alas 5:30 sa aga sa simbahan sang parokya. Ini pagasundan sang paghalad sang mga bulak sa monumento ni Tomas Confesor sa plaza sang Cabatuan. Pagkatapos sini, isa ka programa ang pagahiwaton sa birth marker ni Tomas Confesor sa Maraguit Elementary School. Ang mga pangulo sang mga nagkalain-lain nga ahensya sang gobyerno kag pribado nga sektor ang magahalad sang bulak sa birth marker sang baganihan.

Isa ka parada ang pagahiwaton sa takna nga ala 1:00 sa hapon. Ini pagapasakupan sang mga buluthuan, mga ahensya sang gobyerno, kag pribado nga sektor sa Cabatuan. Pagkatapos sang parada, may programa nga pagahiwaton sa Cabatuan Cultural and Sports Center sa plaza sang banwa. Ang pinasidunggan nga dinapit amo si Gobernador Arthur Defensor, Sr.

Sa nasambit nga programa, pagapadunggan ang Ten Outstanding Elementary School Pupils, ang Ten Outstanding Secondary School Students, kag ang Ten Outstanding School Teachers sang Cabatuan para sa school year 2010-2011.

Si Tomas Confesor nangin Gobernador sang Iloilo. Sadtong panahon sang mga Hapones siya nagtukod sang hublag batuk sa mga Hapones. Sing may kaisog, siya nagbaton sang responsibilidad nga magpangulo sang Revolutionary Government batuk sa mga Hapones, nga nabase sa bukid sang Bukari sa banwa sang Leon, Iloilo. Sa pihak sang pagganyat ni Fermin Caram Sr. ang Puppet Governor sang Iloilo sadto nga tinion, si Confesor wala gid nagsurrender sa mga Hapones. Si Confesor nagpamat-ud, “Pasulabihon ko nga mapatay nga may dungog nga mabuhi sa kahuy-anan.”

Si Tomas Confesor nangin Senador sang Pilipinas. Bilang Senador, siya gintawag nga “Stormy Petrel of Philippine Congress”. Siya wala mahadluk magpakigbato bisan kay sin-o nga senador ukon bisan pa ang Presidente sang Plipinas kon ang iya nga pagpati kag panindugan para sa kaayuhan sang mga Pilipino.

Bilang Senador, si Tomas Confesor amo ang author sang Cooperative Law sang Pilipinas kag sang kasuguan nga nagtukod sang Boy Scouts of the Philippines.